Венецуелската армија соопшти дека уапсила неколку гардисти кои украле оружје и киднапирале двајца офицери.
Изјавата, наводно, ги потврдува извештаите за бунт во единица на националната гарда, кои предизвикаа вознемиреност во сиромашен кварт, неколку километри од претседателската палата во Каракас, објави агенцијата АП.
Армијата цитира дека ултрадесничарски групации ги мотивираат гардистите да ја прекршат заклетвата.
Во соопштението се истакнува дека сето одземено оружје е пронајдено.
Венецуелскиот министер за одбрана Владимир Падрино Лопес испрати порака до „Твитер“, ветувајќи дека сите бунтовни гардисти ќе бидат казнети во согласност со законот.
