Престануваат да важат интервентните препораки и мерки кои беа активирани при надминувањето на прагот на алармирање во Стурмица, соопшти владината прес-служба.
„Ве информираме дека согласно податоците од ДАМСКВ на 22.01.2019 година, среднодневните концентрации на РМ10 се под дефинираниот праг на алармирање од 188 μg/m3, и епизодата од два последователни дена е прекината во Струмица“, се вели во соопштението на Владата.
Со тоа, како што се додава, редовните мерки против аерозагадувањето дефинирани во Програмата за чист воздух и пропратниот оперативен план за имплементација продолжуваат да се имплементираат согласно Планот за чист воздух на Владата на РМ.
