Властите во Хонг Конг го претставија новиот закон со кој би се озаконило казнувањето на навреда на државната химна, со три години затвор и казна од речиси седум илјади долари.
Хонг Конг е посебен административен регион на Кина, каде сличен закон беше донесен во 2017 година.
Казните се пропишани за сите кои јавно и намерно ќе ја навредат химната или за употреба во комерцијални цели, според уредбата за Устав и континентални работи во Нонг Конг.
Како што се наведува, законот е наменет за да обезбеди дигнитет на химната. Слични закони постојат и во Сингапур, Малезија и Тајланд, каде химната на кралското семејство е заштитена со долговечен закон против велепредавство.
