Секоја апликација и натаму ќе постои самостојно и ќе има свои индивидуални карактеристики, но платформата за размена на пораки ќе им биде заедничка. Идејата за овој чекор е подобрување на комуникациите меѓу милијарди корисници на различни апликации во сопственост на Фејсбук.
Извршниот директор на Фејсбук, Марк Цукерберг, според наводите, наредил секоја порака преку апликација да биде криптирана од крај до крај, односно, да биде невозможно на било кој да му биде пресретната пораката.
Портпаролот на компанијата рекол дека Фејсбук сака да постигне најдобро можно ниво на размена на пораки, а корисниците сакаат тој процес да биде брз, едноставен, доверлив и приватен.
