Италијанските медиуми пренесуваат дека Антонио Конте од идната сезона ќе го предводи милански Интер.
Се пренесува дека Конте веќе преговара со управата на Интер, откако поради лошите резултати веќе е речиси сигурно дека Лучијано Спалети ќе добие отказ по крајот од сезоната.
Наводно спортскиот директор на Интер, Бепе Марота добил зелено светло од управата за почеток на преговори со Конте и веќе тоа било практично завршена работа. Конте ќе престане да добива плата од Челси во јули и токму тогаш се очекува да стави потпис на договор со Интер.
Инаку, Конте и Марота се стари познаници од времето во Јувентус кога Марота, тогашен спортски директор на „Бјанконерите“ го доведе Конте во Торино со што започна доминацијата на Јувентус во Серија А.
