Вкупната сума на барањата за исплата на отштета по пожарите кои во ноември лани ја погодија Калифорнија достигна 11,4 милијарди долари.
Како што јавува „Асошиејтед прес“, сè поголема е загриженоста дека во иднина осигурувањето на домовите во делови на оваа американска држава би можело да стане недостапно.
Повеќе од 8 милијарди долари се однесуваат на барања за отштета на жителите од гратчето Парадајс, на северот на Калифорнија, каде беа уништени околу 15 илјади домови, а 86 лица загинаа.
Останатите 3 милијарди долари се однесуваат на штета која ја направија два пожари во јужна Калифорнија.
Пожарите во Калифорнија се сè поразорни, а нивната сезона е сè подолга поради климатските промени.
Во пожарите во 2017 година во виноградското подрачје на северот на Калифорнија и во делови на јужна Калифорнија штетата достигна 11,8 милијарди долари.
