Хуманитарната фондација од Истанбул (ИХХ) донирала вкупно 2.200 камиони со хуманитарна помош за жртвите на конфликтот во руралните области на Сирија, околу Идлиб, Хама, Алепо и Латакија, вели заменик-претседателот на ИХХ, Ерхан Јемелек, во изјава за агенцијата „Анадолија“.
„Минатата година испративме 55.000 тони помош, односно 2.200 камиони со пакети храна, средства за чистење и други потребни парчиња – за повеќе од 1 милион цивили од нашите логистички пунктови во Хатај, Килис и Санлиурфа“, објаснува Јемелек.
„Разнесуваме помош за Сиријците од 2011 и имаме за цел да им помогнеме да најдат сместување и да бидат нахранети и здрави“, додава Јемелек.
Сирија штотуку почна да застанува на нозе по конфликтот што почна во 2011 откако режимот на Асад се спротивстави на демонстрантите.
Илјадници цивили беа убиени или раселени за време на војната, главно поради воздушните напади на режимот врз опозицијата.
Во Турција моментално се сместени преку 3,6 милиони бегалци од Сирија.
