Составот на Лестер оствари одличен резултат и успеа да остане непоразен на гостувањето кај Ливерпул, тим во кој моментов е лидер на табелата и прв кандидат за титулата во Премиер лигата.
„Лисиците“ со ремито од 1-1 станаа само втората екипа сезонава која успеала да издржи и освоила бод на „Енфилд Роуд“ , но предводникот на оваа екипа Клод Пуел сепак жали што не го освоиле и целиот плен.
– Ова беше добар настап. Малку жалам на крајот затоа што имавме неколку фантастични шанси на почетокот на вторитот дел. Започнавме бавно и примивме гол, ама потоа покажавме фантастичен карактер и идентитет. Ги ставивме под притисок на почетокот на второт дел и во вакви периоди мора да бидеме по ефективни, – рече Пуел.
