Иако на првите два настапи не постигна гол во дресот на новиот клуб, Игуаин успеа на натпреварот против Хадерсфилд да постигне два погодоци.
Сари и Игуаин одлично соработуваа во Наполи, а се чини дека таа врска ќе продолжи и сега во Челси.
„Сари знае како да го извлече најдоброто од мене, знае како да се однесува кон мене во емоционален смисол. Мило ми е што повторно соработувам со него во голем клуб. Мислам дека заедно можеме да ги исполниме целите на клубот“, изјави Игуаин и додаде:
„Премиер лигата и Италијанската лига се целосно различни натпреварувања. Овде штом ќе ја добиете топката, дефанзивците веднаш тргнуваат да ве нападнат. Стадионите секогаш се исполнети, атмосферата е фантастична и можете слободно да прошетате на улиците“, изјави Игуаин.
