Претседателот на Косово, Хашим Тачи, изјави дека во Вашингтон добил јасни пораки дека без суспендирање на царините од 100 отсто на стоката од Србија и БиХ, не е можно да продолжи дијалогот со Србија.
На конференцијата за новинарите по враќањето од САД, каде што присуствуваше на традиционалниот појадок, Тачи ги повика владата на Косово и коалиционите партнери да го почитуваат барањето на САД за суспензија на царините.
„Сметам дека домашните институции треба да го почитуваат овој совет“, изјави тој.
„На прв поглед изгледа дека Србија е оштетена за десетина милиони евра, но нагласувам дека не постои цена што можеме да ја платиме доколку дојде до ослабување на односите меѓу Косово и САД“, рече Тачи.
