Турскиот претседател, Реџеп Таип Ердоган, денеска изјави дека сопственичкиот удел на опозициската Републиканска народна партија во банката „Исбанк“, порано или подоцна, ќе биде префрлен во Министерството за финансии.
Ердоган минатата недела изјави дека Министерството за финансии ќе заземе повеќе од 28 отсто од акциите на оваа партија во „Исбанк“, најголемата турска банка на берзата, што предизвика акциите на кредиторот да паднат за шест отсто, објави агенцијата „Ројтерс“.
Акциите на банката денсека скокнаа за повеќе од два отсто, откако објави дека остварила подобар профит од очекуваниот во последниот квартал на 2018.
