„Војната“ помеѓу Мауро Икарди и Интер станува сѐ посериозна. Аргентинскиот напаѓач побара јавно извинување од клубот за односот кон него во последниве години.
Иднината на фудбалерот изгледа се поизвесна и по крајот на сезоната тој сигурно ќе си замине, иако неговиот договор со клубот е до 2021 година.
Според информациите во Италија, раководството на клубот веќе одлучило да го продаде фудбалерот, откако преговорите за нов договор пропаднаа.
Агентот на Икарди – Ванда Нара, која е и негова сопруга, се пожали јавно од незаинтересираноста на „нероазурите“. Таа беше нападната од навивачи на Интер во близина на клупскиот стадион. Нејзиниот автомобил беше гаѓан со камења додека била внатре со децата.
Но тоа не му помогна на Икарди, а капитенската лента веќе му беше одземена и предадена на голманот Самир Хандановиќ.
Од своја страна, пак, фудбалерот побара извинување од клубот за односот кон него и што поскоро да се разбере какви се намерите кон него.
Според шпекулациите на Апенините, Икарди ќе одбие да игра за Интер додека не го добие.
