Фатени на дело во непотизмот Костадин Костадинов и СДСМ сега лажно морализираат и манипулираат, реагира ВМРО-ДПМНЕ на прес-конференцијата на портпаролот на СДСМ, Костадин Костадинов за непотизмот кај опозоциската партија.
„Тие наместо мерит систем во администрацијата, на големо создаваат “Мира Дизел систем“ во кој секој ден гледаме како пратеници, министри, заменици министри, директори од власта вработуваат свои блиски роднини во администрацијата за високи плати далеку над просечната плата која ја добиваат граѓаните.
Дури и лажното морализирање го претворија во фарса кај што се пазарат – еден да се повлече двајца да останат вработени.
Срамота! Како тргнале со манипулациите не би не зачудило Костадинов на следната прес конференција да обвини дека Христијан Мицкоски ги вработил на сила неговата мајка, кумот на Фросина Ременски, синот на Милева Ѓорѓиева, братот на Славица Шуманска или бабите, дедовците, сестрите и фризерките на високите партиски функционери на СДСМ.
Лекот за оваа епидемија од непотизам е еден и единствен, пораз на изборите со што ќе отпочне демонтирањето на криминалниот картел на власт и деспотот Заев“, велат ВМРО-ДПМНЕ во реакцијата.
