Сопатник бил тешко повреден, а возачот полесно кога автомобилот во кој се возеле излетал од коловозот, вчера во скопската наслеба Визбегово.
Според полицијата, сообраќајната несреќа се случила околу 19.15 часот на улицата Јадранска магистрала кога автомобил „шкода фелиција” со скопски регистарски ознаки, управуван од З.Р.(51) од Скопје излетал од коловозот.
Од ударот возачот З.Р. и сопатникот А.Н.(59) од Скопје со возило на Итна медицинска помош биле пренесени во Градската општа болница „8-ми Септември”. Според лекарите, на сопатникот му биле констатирани тешки телесни повреди, а на возачот бил полесно повреден.
Увид на местото на настанот извршила увидна екипа од СВР Скопје.
