Кардиналот Џорџ Пел е осуден во Австралија за сексуална злоупотреба на двајца малолетници, соопшти судот во Мелбурн. Третиот човек на Ватикан, 77-годишниот Пел, е осуден во декември минатата година за злосторства над двајца 13-годишни момчиња, извршени во 1990-те години, но судот до денеска забранувал објава на пресудата.
Осудениот тврди дека е невин и поднел жалба на пресудата, пренесува Би-би-си.
Судот утре би требало да ја изрече казната за кардиналот Пел.
Поглаварот на Римокатоличката црква, папата Франциск, исто така во декември минатата година, отстрани од својот неформален кабинет тројца кардинали од кои еден бил Пел.
