Портпаролот на Пентагон Ерик Пахон изјави дека НАТО се залага за слобода, демократија и колективна безбедност и дека земјите, како што се Северна Македонија и Црна Гора , кои ги споделуваат овие вредности, „се знак на успехот , а не на тензии”.
Запрашан дали и во која мерка зачленувањето на Северна Македонија во НАТО ќе ги зголеми тензиите меѓу Запад и Русија, Пахон за подгоричкиот весник „Побједа” кажа дека САД се загрижени заради постапките на Русија која се вмешува во евроатлантскиот пат што го избраа земјите од Западен Балкан.
„Северна Македонија силно придонесува во мисиите на НАТО , како и во регионалните иницијативи за засилување на соработката и безбедноста на Западен Балкан. Русија настојува да ги спречи земјите, како Северна Македонија и Црна Гора, да го изберат својот пат преку агресивно однесување и застрашување”, пренесе РТЦГ.
Американскиот функционер истакнува дека САД одамна имаат покажано непоколеблива посветеност кон ситуацијата во Западен Балкан.
-Тоа е приказна која често не се нагласува, додека Русија во минатото правеше се за намалувањ ена нашиот придонес, рече портпаролот на Пентагон
