Самитот на претседателите на САД и Северна Кореја, Доналд Трамп и Ким Џонг Ун заврши порано од планираното. Претседателските колони возила на двајцата лидери го напуштија хотелот во кој беа одржани преговорите, пренесуват светските медиуми.
Камен на сопнување, како што се наведува, биле санкциите кои САД ги воведоа на Северна Кореја, поради нуклеаризацијата и од кои очигледно Трамп не сака да се откаже.
Кога новинарите го прашале Трамп дали тој го прекинал состанокот, одговорил: „Не сакам да кажам дали тоа беше моја одлука, бидејќи каква врска има тоа сега. Но, ќе ја продолжиме врската“.
„Сега одлучивме ништо да не потпишуваме, ќе видиме како ќе оди работата. Ким е одлично момче и Северна Кореја има огромен потенцијал. Санкциите ќе останат и натаму, ништо не дадовме. Северна Кореја сака да им ги укинеме санкциите, но не направила доволно. Северна Кореја е подготвена да нуклеаризира некои подрачја, но САД не се подготвени да ги укинат санкциите поради тоа. Ким има своја визија, а таа не е баш како нашата. Одлучивме сега да се повлечеме од договор, ќе видиме што ќе се случува понатаму“ рекол Трамп на прес-конференција, одржана два часа претходно, поради прекинување на состанокот.
Тој нагласил дека на совет од државниот секретар Мајк Помпео, овојпат одлучил да не потпише никаков договор.
„Направивме голем напредок, но не стигнавме до она што има смисла за САД. Ким не направи се што баравме од него, не беше подготвен. Но, јас сум оптимист, ќе направиме напредок и ќе ја исполниме целта да ја денуклеаризираме Северна Кореја и ќе ги направиме сите граѓани во светот безбедни“ рекол Помпео.
Трамп нагласил и дека Ким му ветил дека нема повеќе да тестира нуклеарно оружје и дека тој му верува. Додал дека нема да воведе нови санкции на Северна Кореја, но и дека засега не планира нова средба, пренесе АФП.
https://www.facebook.com/IndexVijesti/videos/1483486595115978/?t=0
