Пешак бил тешко повреден, а едно лице полесно во две од вкупно пет сообраќајки што се случиле во текот на вчерашниот ден на подрачјето на СВР Скопје. Во три сообраќајки била причинета само материјална штета.
Од сообраќај биле исклучени тројца возачи кои го управувале возилото под дејство на алкохол, 18 возачи пред да се стекнат со право на управување на моторно возило и пет возачи почетници, како и пет технички неисправни возила и 11 нерегистрирани возила.
Затекнати биле 104 непрописно паркирани возила, а со специјалното возило „пајак” биле отстранети 85 возила.
Во текот на денот Одделението за превенција при СВР Скопје ќе реализира едукатини работилници во ООУ „Блаже Коневски” на подрачјето на општина Аеродром, со ученици од четврто одделение, во рамките на сообраќајно воспитниот проект „Да ги заштитиме децата во сообраќајот”.
