Министерството за земјоделство, шумарство и водостопанство заедно со Јавното претпријатие „Македонски шуми“ денеска изврши пошумување во Коњаре во согласност со планот на Владата за чист воздух.
„Со овие активности придонесуваме за здрава животна средина, што е најбитно за квалитетен живот на граѓаните на Република Северна Македонија. Во наредниот период носиме низа мерки и политики преку кои ќе дадеме силна поддршка на секторот шумарство“, изјави министерот за земјоделство, шумарство и водостопанство, Љупчо Николовски.
На површина од 2 хектара се засадија 4.000 садници од багрем, даб, јасен и аризонски кипарис.
