Џејмс Харден заврши со 42 поени, 7 скока и 4 асистенции и помогна на Хјустон да запише петта последователна победа во НБА по 115:104 во салата на Бостон.
Ерик Гордон даде 32 поени, а Крис Пол реализира 15 поени и 12 асистенции за успехот.
Ѕвездата на „келтите“, Кајри Ирвинг беше најдобар за домаќините со 24 поени, 9 скокови и 6 асистенции, но тоа не беше доволно за конечен успех.
Детроит пак го победи лидерот на Атлантската дивизија, Торонто со 112:107 по продолжението.
Редовното време заврши со 100:100, а Марк Гасол пропушти да го донесе успехот на гостите со сирената.
Домаќините го завршија дополнителното време со серија 10:0 и конечно стигнаа до успехот. Блејк Грифин беше најпрецизен со 27 поени и 7 скока, Лук Кенард и Реџи Џексон постигнаа по 19 поени, а Андре Драмонд се истакна со 15 поени и 17 скока.
За гостите, Кајл Лори беше најдобар со 35 поени.
Резултати од НБА:
Шарлот – Портланд 108:118
Бостон – Хјустон 104:115
Чикаго – Атланта 118:123
Клиперс – Њујорк 128:107
Кливленд – Орландо 107:93
Детроит – Торонто 112:107 по продолжение
Вашингтон – Миннесота 135:121
Оклахома Сити – Мемфис 99:95.
