Во ноќна спасувачка акција на Велебит се пронајдени двајца планинари кои без соодветна опрема останале заглавени во снегот. Членовите на спасувачките екипи од Задар во саботата околу 21:45 часот добиле повик за двајца планинари кои се заглавени под срт на највисокиот врв на јужниот дел на Велебит.
Двајцата планинари тргнале изутрината да го искачуваат врвот, но без соодветна опрема, при што наишле на заледен и стрмен терен од кој не можеле да слезат. Откако не успеале да најдат начин за да се спуштат, тие побарале помош од спасувачките екипи.
Седуммина спасувачи од Задар вечерта тргнале кон местот од каде што добиле повик за помош. Теренот бил тежок за искачување и спасувачите отежнато се движеле по патеката која на одредени места била тешко пристапна, но сепак на крај успеале да ги пронајдат двајцата планинари.
Некаде околу 2 часот изутрината започанала акцијата за нивно извлекување. Едниот од планинарите бил во лоша состојба. Околу 5 часот изутрината тие биле донесени до планинарскиот дом.
