Карате-клубот „Олимпик“ неодамна отвори тренинг-центар во населбата Лисиче. Со тоа, каратето, кое од неодамна прерасна во олимписки спорт, им се доближува на најмладите, кои добиваат соодветни и современи услови за спортување.
Во посета на новоуредениот објект денеска беа претставници на Општина Аеродром, директорот на Агенцијата за млади и спорт Дарко Каевски, како и голем број етаблирани спортисти и спортски работници.
Општина Аеродром го поддржа отворањето на тренинг-центарот и останува посветена на промоција на спортот и јакнењето на спортскиот дух, пред сѐ, меѓу најмладата популација.
