Портпаролот на Сириските демократски сили, Мустафа Бали рече дека истече рокот за предавање на екстремистите и силите предводени од Курдите ќе го продолжат нападот на последното упориште на екстремистите.
Бали на Твитер напиша дека одлуката за офанзива следи откако илјадници цивили го напуштија Багуз, последното село што го држеа џихадистите на Исламска држава.
Со силната поддршка на коалициските бомбардери, Сириските демократски сили напредуваа на почетокот од март, оставајќи коридор за евакуација на жителите. Потоа Багуз го напуштија неколку илјади жители и многу борци на ИД.
