Водечки фигури во Демократската партија го предупредија претсеателот Доналд Трамп да не вклчува во предлог буџетот за 2020 година, 8,6 милијарди долари за финансирање изградба на ѕид по границата со Мексико.
„Трамп им наштети на милиони Американци и предизвика хаос кога ја спречи работата на федералната влада во обид да одбие финансирање на ѕидот”, нагласуваат во заедничко соопштение претседателката на Претставничкиот дом, Ненси Пелоси и сенаторот Чак Шумер.
– Конгресот не дозволи финансирање на неговиот ѕид и тој беше принуден да признае пораз и да ја обнови работата на владата. Истото ќе се повтори ако се обиде одново. Се надеваме дека ја научил лекцијата, додаваат политичарите од Демократската партија.
Американски медиуми јавија дека се очекува Трамп во нацрт буџетот за фискалната 2020 година што ќе го претстави утре, да внесе барање за 8,6 милијарди долари за финансисрање на изградбата на ѕидот.
