Страотни сцени: Во стан преполн со ѓубре и пронајдено диво девојче кое не знаело да зборува

Анорексичната петгодишна Љубов не умее ниту да зборува, а ѓерданчето и сраснало во вратот. Префрлена е на интензивна нега.

Полицијата во специјални заштитни одела го спаси полуголото петгодишно девојче кое живеело во еден стан полн со ѓубре во престолнината на Русија.

Девојчето чие име е Љубов било болно и дехидрирано и не умеело да зборува. Буквално било до гуша во ѓубре.

Изгладнето

Изгладнетото девојче е пронајдено неколку дена по исчезнувањето на мајката Ирина Гарашченко (47). Порталот Life.ru пренесува дека полицајците морале да облечат специјална заштитна облека зошто станот буквално бил претрупан со ѓубре и бубашваби. Ѓерданчето кое девојчето го носело, речиси сраснат во нејзиниот врат.

Злоставување и обид за убиство

Мајката на девојчето Ирина Грашаченко (47) се појавила во станот неколку дека откако полицијата го одвела девојчето и го сместила на лекување. Соседите повикале полциија, кои ја уапсија мајката монструм. Се верува дека малечката, откако е родена, не излегла од станот и немала никаков контакт со луѓе освен со мајката. Против неа е покренато обвинение за злоставување на дете и обид за убиство.

– Таа не знае да зборува, само испушта некои неартикулирани звуци. И понудивме да пие вода и испи два литри одеднаш, наведоа истражителите.

Руските медиуми девојчето го нарекоа Могли, по угледот на детето кое одрасна со ѕверови, јунак во „Книга за џунглата“. Меѓутоа, неа друштво не и правеа ниту мачки ниту кучиња.

– Ѓубрето кое се распаѓа смрдеше неподносливо. За малку ќе се онесвестевме од глетката која ја затекнавме во станот и смрдеата. Девојчето седеше покрај прозорецот во кујната. Беше речиси гола, на себе имаше само капа и некаква искината маичка. Плачеше. Немаше никаде храна, а бубашваби насекаде, рече еден од соседите кој прв влезе во станот пред да ја повика полицијата.

Мајката лажела

Соседите наведуваат дека мајката Ирина Гарашченко (47) пред пет години дошла со ќерката и потоа рекла дека девојчето го однела да живее кај бабата. Таткото на девојчето е депортиран во Украина. Соседите наведуваат дека мајката на детето изгледала нормално, секогаш соодветно облечена и тврдела дека работи на одржување на хигиена во соседниот стамбен блок.