Автобус на ЈСП прегазил жена и тешко ја повредил, вчера во Скопје.
Според полицијата, сообраќајната несреќа се случила во 14.15 часот на булеварот Христијан Тодоровски- Карпош во Скопје. Автобус на ЈСП, управуван од С.С.(53) од Скопје удрил во пешакот И.Џ.(66) од Скопје.
И.Џ. се здобила со тешки телесни повреди и со возило на Итна медицинска помош била пренесена во комплексот клиники „Мајка Тереза“.
Увид на местото на настанот извршила екипа од СВР Скопје и се работи на расчистување на случајот.
