Терористичкиот напад во новозеландскиот град Красјтчрч бил запрен само благодарение на двајца полицајци од соседно село, половина час по смртоносните напади.
Тоа го соопштија денеска новозеландските власти и упатија благодарност за нивната храброст.
Премиерката Џасинда Ардарн нагласи дека Австралиецот Брентон Тарант веројатно сакал да убие повеќе луѓе ако двајцата полицaјци не се вмешале. Во нападите врз две џамии во тој град загинаа 49 луѓе.
На видеото се гледа полициски автомобил како пресекува пат на напаѓачот додека управувал автомобил.
– Секој кој ги видел тие инсерти му е јасно дека Нов Зеланд за нив е приоритет. Јас сум исклучително горда на тоа што го направија тие, додаде премиерката имајќи ги предвид двајцата полицајци.
