Во париската црква Сен Сулпис, чија изградба е почната кон средината на 17. век, а е завршена во 1870 година, денеска избил пожар, поради којшто биле евакуирани неколку лица, јави „БФМ ТВ“.
Се наведува дека огнот ги зафатил главната врата и скалите на црквата која е позната по тоа што беше користена за снимање на сцени во филмот „Кодот на Да Винчи“, според романот на Ден Браун.
Портпаролот на противпожарната бригада рече дека во моментот на избивањето на пожарот во црквата имало четири лица, пренесе „Ројтерс“.
Во гаснењето на пожарот учествувале 20 пожарникари, а причините за избувнувањето на огнот не се познати во овој момент.
ALERTE – L'église #SaintSulpice, dans le 6ᵉ arrondissement de #Paris, est actuellement ravagée par un incendie. (agneswebster – Instagram) pic.twitter.com/ObmaR5fhuy
— Infos Françaises (@InfosFrancaises) March 17, 2019
