Кинез ја продал својата ќерка откако западнал во долгови со коцкање преку интернет.
Минатиот ноември, невработениот маж ја изнел својата едногодишна ќерка од дома, а на сопругата и кажал дека девојчето ќе остане со неговата мајка во град кој е оддалечен околу 140 километри од нивната куќа.
Мајката почнала да се сомнева, бидејќи не слушнала ништо од ќерката речиси три месеци. Секојпат кога ќе го прашала сопругот кога ќе се врати детето, тој ѝ давал различни изговори за одоложувањето на враќањето дома.
https://youtu.be/JyAmRtBV1vY
Загрижената мајка во февруари го проверила телефонот на нејзиниот маж и открила снимен разговор помеѓу него и купецот на нивната ќерка. Истиот ден се сретнала со сврекрвата која ѝ кажала дека детето било однесено пред неколку недели.
Мајката веднаш го пријавила инцидентот во полицијата, а нејзиниот маж побегнал. По истрагата, полицијата кон крајот на минатиот месец го пронашла во еден хотел. Тој признал дека должел околу 7.700 евра и се одлучил на екстремната мерка кога видел пост на интернет за посвојување на деца.
Џианг го лажел и парот на кои им го продал детето, велејќи им дека не може да си дозволи да ја одгледува ќерка си, бидејќи се развел од сопругата, а двајцата родители му починале.
Девојчето е пронајдено и вратено кај мајката.
