Ален Робер, познат како „францускиот спајдермен” денеска, без јаже, се искачи на облакодер во Париз за да собере пари за реновирање на познатата париска катедрала Нотр Дам.
Робер (56), кој повеќе од сто пати се искачил на облакодери низ целиот свет, овојпат го освои врвот на зграда висока 185 метри, со редовно застанување за да стави креда на рацете.
Откако завршил со качувањето, бил уапсен.
Набљудувачите на овој необичен потфат го фотографираа „спајдермен”.
Меѓу многуте градби, тој се има искачено на мостот Голден гејт во Сан Франциско и Бурџ Калифа во Дубаи.
Париски надбискуп води кампања за собирање повеќе од 100 милиони евра за да го спаси Нотр Дам.
