На компанијата „Монсанто“ ѝ е наредно да му исплати на еден Американец 80 милиони долари отштета, откако судот одлучи дека таа компанија со своите средства за уништување на плевел – „Раундап“, придонела за развој на карцином кај човекот.
Сојузната порота на судот во Сан Франциско, пресуди компанијата „Монсанто“, која лани ја купил германски „Бајер“, дека е виновна бидејќи не го предупредила клиентот на опасност од развој на карцином поврзан со средството „Раундап“.
Минатата недела поротата одлучила дека тоа средство е клучен предизвикувач во развојот на карцином кај Едвин Хардеман од Калифорнија.
Од компанијата велат дека се разочарани од судската одлука и најавија жалба.
Како што се наведува, „Раундап“ содржи глифосат, најчеста состојка во средствата за уништување плевел во светот.
