Одборот за доделување на државната награда „Мајка Тереза” распишува
К О Н К У Р С
за доделување на државната награда „Мајка Тереза” во 2019 година
Со државната награда „Мајка Тереза” се оддава признание за остварувања во областа на хуманоста и човечката солидарност и за поттикнување и унапредување на меѓусебното разбирање и развој на соработката како меѓу народите така и меѓу припадниците на различните заедници, култури и вери.
Државната награда се доделува на поединци, група творци, екипи, установи, трговски друштва и здруженија на граѓани од земјава.
Државната награда, под условите определени во Конкурсов, може да се додели и на странски државјани, група творци, екипи и институции од странство.
На награден поединец му се доделува диплома и паричен износ.
На секој член од наградена група творци или екипа му се доделува диплома и еднаков дел од паричниот износ.
На наградена установа, трговско друштво или здружение на граѓани им се доделува диплома и плакета.
Паричниот износ на државната награда „Мајка Тереза” изнесува пет (5) просечни месечни плати во Република Северна Македонија исплатени во последните три месеци на тековната година.
Државната награда „Мајка Тереза“ се доделува, по правило, секоја година.
Во една година може да се доделат најмногу две награди.
Иницијатива за доделување на државната награда „Мајка Тереза” може да поднесат: установи, трговски друштва, здруженија на граѓани и граѓани.
Подносителите на иницијативата за доделување на државната награда треба подробно да ја образложат иницијативата. Во текстот треба да се содржани и: прецизни биографски податоци, точна адреса на живеење (улица, број, место, град, држава), податоци за остварените резултати во областа во којашто е постигнато остварувањето и други податоци за кои се смета дека ќе придонесат во оценувањето, како и соодветна документација со која би се потврдиле податоците.
Подносителот на иницијативата мора да ги наведе своето целосно име и презиме, назив, фирма, адреса и телефон.
Текстот на иницијативата (комплетиран) треба да се достави во 15 примероци, а трудовите (книги, публикации и сл.) се третираат како прилози и треба да се достават во еден (1) примерок.
Иницијативите треба да се достават на следнава адреса:
Министерство за култура на Република Северна Македонија – Одбор за доделување на државната награда „Мајка Тереза”, ул. „Ѓуро Ѓаковиќ” бр. 61 – Скопје, Република Северна Македонија.
Конкурсот ќе трае од 1 до 30 април 2019 годинa.
Некомплетните иницијативи и иницијативите и прилозите (трудови, книги, публикации и сл.) доставени по утврдениот рок за прием во Конкурсов нема да бидат разгледувани.
Одбор за доделување на државната награда
„Мајка Тереза”
Këshilli për Ndarjen e Çmimit Shtetëror “Nënë Tereza” shpall:
K O N K U R S
për ndarjen e Çmimit Shtetëror “Nënë Tereza” në vitin 2019.
Me Çmimin Shtetëror “Nënë Tereza” jepet mirënjohja për arritjet në fushën e humanizmit dhe solidaritetit njerëzor dhe për nxitjen, avancimin e mirëkuptimit të ndërsjellë dhe zhvillimin e bashkëpunimit sikurse midis popujve, ashtu edhe midis pjesëtarëve të komuniteteve, kulturave dhe feve të ndryshme.
Çmimi Shtetëror u ndahet individëve, grupit të krijuesve, ekipeve, institucioneve, shoqërive tregtare dhe shoqatave të qytetarëve të vendit.
Çmimi Shtetëror me kushtet e caktuara në konkurs mund t’u ndahet edhe shtetasve të huaj, grupit të krijuesve, ekipeve dhe institucioneve të huaja.
Individi që do ta fitojë këtë Çmim i ndahet: diploma dhe shuma në para.
Çdo anëtari të grupit të krijuesve ose ekipit që do ta fitojë këtë Çmim u ndahet diploma dhe pjesa e barabartë e shumës në para.
Institucioni, shoqëria tregtare ose shoqata e qytetarëve që do ta fitojë këtë Çmim u ndahet diploma dhe plaketa.
Shuma në para e Çmimit Shtetëror “Nënë Tereza” është pesë (5) rroga mujore mesatare në Republikën e Maqedonisë së Veriut të paguara në tri muajt e fundit të vitit rrjedhës.
Çmimi Shtetëror “Nënë Tereza“ ndahet, sipas rregullit, çdo vjet.
Në një vjet mund të ndahen më së shumti deri në dy çmime.
Iniciativë për ndarjen e Çmimit Shtetëror “Nënë Tereza” mund të parashtrojnë: institucionet, shoqëritë tregtare, shoqatat e qytetarëve dhe qytetarët.
Parashtruesit e iniciativës për ndarjen e Çmimit Shtetëror duhet hollësisht ta arsyetojnë iniciativën. Në tekst duhet të përmbahen edhe: të dhënat e sakta të biografisë, adresa e saktë e vendbanimit (adresa-rruga, numri, vendi, qyteti, shteti), të dhënat për rezultatet e arritura në fushën në të cilën është arritur ajo dhe të dhënat e tjera që konsiderohen se do të kontribuojnë në vlerësim, si dhe dokumentacioni përkatës me të cilin do të konfirmohen ato.
Parashtruesi i iniciativës duhet ta theksojë emrin dhe mbiemrin e plotë, titullin, firmën, adresën dhe telefonin.
Teksti i iniciativës (i kompletuar) të dërgohet në 15 ekzemplarë, ndërsa punimet (librat, publikimet, etj.) trajtohen si shtojcë dhe duhet të dërgohen në një (1) ekzemplar.
Adresa në të cilën duhet të dërgohen iniciativat është:
Ministria e Kulturës e Republikës së Maqedonisë së Veriut – Këshilli për Ndarjen e Çmimit Shtetëror “Nënë Tereza”, rr. ”Gjuro Gjakoviq” nr. 61 – Shkup, Republika e Maqedonisë së Veriut.
Konkursi do të zgjasë nga 1 deri më 30 prill 2019.
Iniciativat e pakompletuara dhe iniciativat dhe propozimet (punimet, librat, publikimet, etj.) të dërguara pas afatit të caktuar për t’i pranuar në konkurs nuk do të shqyrtohen.
Këshilli për Ndarjen e Çmimit Shtetëror
“Nënë Tereza”
