Чешкиот премиер Андреј Бабиш предложи да се укине ротирачкото претседателство на неговата земја со Советот на ЕУ бидејќи тоа е губење на пари и обично блаботење со сендвичи, пренесува „Политико“ цитирајќи локални медиуми.
Весникот „Деник Н“ објави дека Бабиш, богат бизнисмен кого го нарекуваат „чешки Трамп“, изјавил пред министрите на кабинетот на состанокот во понеделникот дека шестмесечниот мандат како претседател на Советот на ЕУ, во втората половина на 2022 година, ќе ја чини Чешка многу пари, а нема да има никакви бенефиции, па затоа посочи дека треба да го прескокнат нивниот ред.
Бабиш подоцна негираше дека предложил да се откаже од претседателството и рече дека само се жалел на трошоците. Тој изјавил за „Деник Н“ дека Чешка ќе го преземе претседателството според планираното.
Последен пат Чесите го имаа ротирачкото претседателство во 2009 година, а тоа ја чинеше земјата чини околу 3,5 милијарди круни (135 милиони евра).
Претседателството на Советот на ЕУ ротира на секои шест месеци и листата е изготвена до 2030 година. Таа беше ажурирана во 2016 година, кога Велика Британија се откажа поради референдумот за брегзит.
