Група од три воени бродови на руската пацифичка флота тргна на долго патување по Тихиот Океан, рече денеска портпаролот на источниот воен дистрикт Николај Воскресенски.
Големите антиподморнички воени бродови „Адмирал Виноградов” и „Адмирал Трибјутс” и средниот танкер „Иркут” заминаа од Владивосток на долго патување, објавија ТАСС.
Воените бродови ќе посетат неколку земји во Азиско-пацифичкиот регион и ќе учествуваат во заедничката руско-кинеска поморска вежба 2019 година, се вели во соопштението.
Руската и кинеската морнарица ќе спроведат заедничка поморска вежба кон крајот на април, односно почетокот на мај.
