Двајца крадци биле уапсени синоќа во 3.30 чaсот, на регионалниот пат Велес – езеро Младост, при контрола на автомобил „шкода фелиција”.
Според полицијата, крадците биле во автомобил со кумановски регистарски ознаки, што го управувал Ќ.С.(36) од село Арачиново и сопатникот Љ.С. (34) од село Гошинце, општина Липково. Во нивниот автомобил биле пронајдени предмети кои потекнуваат од кражба.
По расчистувањето на случајот против двајцата ќе бидат поднесени кривични пријави.
