Мотоциклист од кичевското село Колибари бил тешко повреден по судир со автомобил, вчера на магистралниот пат Кичево-Гостивар.
Според полицијата, сообраќајната несреа се случила во 17.25 часот кај селото Трапчин дол. Мотоцикл „кавасаки“ со кичевски регистарски ознаки, управуван од Ќ.А. (42) се судрил со автомобил „ауди А4“ со кичевски регистарски ознаки, управуван од С.С.(24) од селото Лешница.
Од ударот мотоциклистот се здобил со тешки повреди по што бил пренесен во комплексот клиники „Мајка Тереза“ во Скопје.
Увид на местото извршила увидна екипа од Полициската станица Кичево.
