Луис Хамилтон призна дека не очекувал да запише таква лесна победа во Големата награда на Кина.
Петкратниот светски шампион во пракса победи на трката уште на почетокот, кога го претекна клубскиот колега Валтери Ботас на првиот свиок и потоа го контролираше темпото до финалето.
Генерално викендот не почна на најдобар за Британецот, но најважно за него е дека заврши на најдобар можен начин.
– Тоа не беше мојот најубедлив викенд. Не знаевме каде ќе бидеме во однос Ферари, кога стигнавме во Кина. Валтери беше брз изминативе денови, а да освоиме двојна победа во Гран при број 1.000 навистина е нешто посебно. На почетокот го направив најважното, останатото е историја. Фантастичен резултат за тимот, сите работеа многу напорно. Огромна благодарност до навивачите, многу сум среќен, изјави Луис по трката.
