Заев: Ако Иванов се дрзне да прогласи амнестија, новиот претседател ќе ја поништи за 30 дена
Не верувам дека Иванов ќе потпише амнестија под името Северна Македонија, а ако се дрзне за 30 дена новиот претседател ќе ја поништи, порача премиерот Зоран Заев, во вечерашното гостување на Телевизија 21, како одговор на шпекулациите дека Иванов би можел да ги амннестира осудениците за крвавиот четврток.
– Правосудството не смее да плати никаква цена во име на иднината на државата. Реформите треба сите да ги спроведеме како еден наш ментален однос кон државата. Да престанат протекции кај судии, кај обвинители, во здравството. Тоа е дисторзија на системот, рече премиерот Зоран Заев.
-Повеќе мешање во правосудството нема и не смее да има., порача Заев.
