Холандски гинеколог кој ја користел својата сперма за оплодување на 49 жени можеби е татко на уште поголем број деца.
Тиeс ван дер Мер од холандската донаторска фондација денеска објави дека уште тројца луѓе го контактирале овој викенд бидејќи се сомневаат дека можеби биле зачнати од спермата на д-р Јан Карбат, објави АП.
ДНК-тестовите минатата недела открија дека Карбат, кој починал пред две години, е биолошки татко на 49 деца.
Бројот на деца може да биде уште поголем, бидејќи сè повеќе луѓе се обидуваат да ја проверат својата ДНК во однос на ДНК на Карбат.
