На некои луѓе не можете да им се доверите бидејќи тие едноставно не умеат да зачуваат тајна, едноставно мораат да ја кажат некому.
Навистина не е лесно да се сочува некоја тајна, секогаш е подобро да ја кажете на личност во која имате доверба. Но, понекогаш е тешко да препознаете на кого навистина може да му верувате, да не е тоа некој кој веднаш ќе ве издаде.
Астролозите сметаат дека во тоа може да помогнат и хороскоспките знаци, па одвојуваат четири знаци во кои не треба да имате толку доверба.
Овен
Овните имаат краток фитил, многу лесно пламнуваат и затоа се во состојба да ги издадат и најмрачните тајни за да ве повредат. Иако поради таквите испади подоцна се каат, нивната брза природа не ги прави баш луѓе од доверба.
Близнаци
Близнаците многу сакаат да зборуваат, особено да озборуваат. Трачевите им се омилено хоби, затоа не им доверувајте тајни дури и ако ви се најдобри пријатели. Немојте да им замерувате за оваа нивна мана бидејќи тие едноставно горат од желба кога ќе дознаат нешто ново и тоа да го раскажат на други луѓе.
Стрелец
Исто како и Близнаците, Стрелците многу сакаат да зборуваат и често се познати како најголеми дрдорковци во друштво. Со чашка ракија можат сешто да раскажат, дури и тоа што не смеат, па затоа не е баш безбедно да ги знаат вашите тајни.
Водолија
На луѓето родени во овој знак можете да им ја доверите и најмрачната тајна, бидете сигурни дека нема да ја кажат никому, но тежината на вашите останати тајни тие самите ќе ја проценат. Водолиите обично се многу слободоумни и можат да ви се потсмеат на вашата потреба некои вообичаени работи да ги сметате како тајна и да ги раскажат во друштво.
