Позитивната кампања на Пендаровски испраќа пораки и до лицата со оштетен слух
На вчерашниот централен митинг на кандидатот за претседател, Стево Пендаровски, на бината можеше да се забележи момче кое на знаковен јазик ги толкуваше пораките на кандидатот и говорниците на митингот, појава што е несекојдневна за политичките кампањи во државата.
Но ова не е прв пример во оваа кампања каде претседателскиот кандидат Пендаровски им се обраќа на глувите и наглуви лица. Деновиве на телевизиите веќе се емитува ТВ спот кој е целосно преведен на знаковен јазик. Претходно, бројни видеа на социјалните мрежи објавени од Пендаровски, но и од СДСМ, се со транскрипт, што значително ја подобрува комуникацијата со лицата со оштетен слух.
https://www.facebook.com/SPendarovski/videos/643738392733452/
Она што ја прави посебна изборната кампања на Пендаровски освен пристапот кон лицата со посебни потреби, е позитивноста која се забележува во јавните настапи, како на вчерашниот митинг кој беше одбележан со шаренило, позитивни пораки, поддршка од јавни личности меѓу кои и ракометната легенда Наумче Мојсовски.
За разлика од мрачната и негативна кампања на Гордана Сиљановска и ВМРО-ДПМНЕ и еднонасочната кампања на Блерим Река, кампањата на Пендаровски досега е позитивна, инклузивна и праќа пораки на обединување.
