Филмската компанија CBS Films го објави првиот трејлер за документарниот филм „Pavarotti„ во режија на оскаровецот Рон Хауард, што ќе има кинопремиера на 7 јуни.
Филмот нуди интимен поглед на животот, работата и делото на италијанската оперска икона, човекот кој успеа да ја доближи операта до пошироката светска публика, Лучано Павароти.
Тимот што го сними филмот стои и зад „The Beatles: Eight Days A Week – The Touring Years“ кој доби позитивни критики и беше одлично прифатен од публиката.
Публиката ќе види и низа студски и снимки во живо, меѓу кои и изведбата на „Miss Sarajevo“ од хуманитарниот концерт Pavarotti & Friends Together for the Children of Bosnia.
За потребите на овој документарец, за Павароти зборуваа негови блиски соработници и пријатели, меѓу кои Хозе Карерас, Пласидо Доминго и Боно Вокс.
Павароти почина на 6 септември, 2007 година на 72 години.
