Работник бил повреден од вилушкар што го управувал негов колега, вчера во фабрика во Виница.
Според полицијата, во 18.10 часот во ПС Виница било пријавено дека од Општата болница-Кочани дека кај нив со повреди бил донесен Ј.Х.(25) од Виница.
Според пријавата, Р.С.(45) од Виница управувајќи вилушкар во фабрика во Виница, со палета го удрил Ј.Х. и го повредил.
Увид извршила екипа од ПС Виница и трудов инспектор. Се преземаат мерки за расчистување на случајот.
