Во грабежот што се случи вчера во експозитура на НЛБ Банка во Чаир се украдени 150.000 евра. Од банката соопштија дека тројцата повредени се во добра состојба и се пуштени на домашно лекување.
„По вчерашниот вооружен грабеж што се случи во 10.36 минути во експозитурата на НЛБ Банка во Чаир, би сакале да ве информираме дека клиентите и вработените на Банката се безбедни и во добра состојба. Двајцата вработени во експозитурата кои беа полесно повредени се пуштени на домашно лекување. Дополнително работникот на обезбедување кој, исто така, беше повреден при грабежот по укажаната лекарска помош е добро и е пуштен на домашно лекување“, соопштија од НЛБ Банка.
Експозитурата во Чаир сè уште не е отворена, а со работа ќе почне од утре, 17 април.
„Банката продолжува да работи редовно и да соработува со надлежните органи за најбрзо и ефикасно решавање на случајот“, се вели во соопштението.
