Португалскиот остров Мадеира им оддава почит на германските туристи кои загинаа пред два дена во автобуска несреќа. Претседателот Марчело Ребело де Соуса стигна на островот и отиде на местото на несреќата во селото Канико каде положи цвеќе.
„Дојдов да изразам солидарност со жртвите и благодарност на спасувачките служби“ рекол претседателот. Тој ги посетил и повредените во болница, по што ќе присуствува и на мисатата во презбитеријанската црква.
Причините за несреќата се уште не се познати.
Локалните власти, меѓу жртвите идентификуваа 17 жени и 12 мажи, на возраст од 40 до 60 години. Во несреќата повредени се 27 луѓе, меѓу кои 25 Германци и двајца Португалци, возачот и туристичкиот водич.
