Кандидатката за претседател Гордана Сиљановска Давкова денеска имаше средба со граѓани кои имаат различна политичка определба, кои организираа во „Јавна соба“ дебата на тема: Прва жена Претседателка? на која зборуваа професорките Каролина Ристова Астеруд и Елка Јачева Улчар, како и режисерот Јани Бојаџи.
Како што велат од штабот на Сиљановска Давкова, дебатата отворила прашања кои досега ниту медиумите не успеале да ги отворат, а за нив малку се зборувало јавно.
Сржта на дебатата се состоеше во разгледување на различните влијанија кои учеството на Сиљановска Давкова ги има на овие избори. Додека Јачева Улчар зборуваше како Силјановска со својата кампања, ставовите и мислењата влијаела на промената лична кај нејзе и врз македонскиот јазик кој откако е Сиљановска Давкова кандидат почесто користи фиминитиви особено за професиите, режисерот Јани Бојаџи зборуваше за кампањата, како и за што треба да очекува Сиљановска Давкова бидејќи ќе стане Претседателка на пропадната држава според дефиницијата на Фукојама.
Професорката Ристова Астеруд ја нарече „game changer“ кандидат, кој прави пресврт зашто има либерални вредности, а ја поддржува десничарска партија, што значи влијае на еволуцијата на политичкиот плурализам. „Со прашањата кои ги отвора во кампањата, со самата кампања и секако со тоа што ги тера луѓето да размислуваат да гласаат за жена кандидат, Сиљановска прави промена”. Таа истакна дека „Професорката Сиљановска Давкова е една автентична феминистка од почетокот на нејзиното женско битисување. И тоа таа го докажува преку својата работа и на факултет и во своите граѓански ангажмани па дури и во своите епизодни политички ангажмани”. Таа нејзина посветеност на женските прашања се огледува и во нејзината програма каде се забележува дека правичната застапеност ќе се применува и од родова перспектива и во именувањето на амбасадорите, изборот на членови на Совет на безбедност, судиите во Уставниот суд, одликувањата и конечно во спроведувањето на Конвенцијата на ОН 1325 за жени, мир и безбедност.
Бројни граѓани и поддржувачи зедоа збор во дискусијата, од членови на Сенатот на УКИМ кои се одлучиле да ја поддржат Сиљановска Давкова заради тоа што таа искрено и без страв го кажува својот став кој е информиран и основан на нејзините вредности и принципи, и оттука се сигурни дека никогаш нема да биде политички полтрон. Други граѓани истакнаа дека Сиљановска ги освоила заради начинот на кој го разбира и ќе го применува принципот на правична застапеност, а на крајот заклучија дека стручноста и компетенциите треба да се основа за избор во сите области за да може земјата да ги спроведе реформите и ги исполни Копенхагеншките критериуми. Конечно со избор на жена за шеф на држава може да се очекува и напредок на индексот за родова рамноправност кој го мери и овој индикатор.
