Менаџерот на Ливерпул, Јирген Клоп ги сподели своите ставови за претстојното дерби на 31-то коло на Премиер лигата меѓу Манчестер Јунајтед – Манчестер Сити.
Дуелот е на програма во среда, 24 април од 21 часот.
– Не можеме некако да влијаеме на дербито. Манчестер Јунајтед, како што изгледа, исто така, не може. Со каков резултат тие загубија од Евертон? 0:3? 0:4? Тоа е вообичаен натпревар за Сити. Игравме со Јунајтед, но тогаш тие беа во многу подобра форма, така што резултатот беше 0:0. При добар збир на околности, дербито може да заврши нерешено. Ајде да видиме како ќе излезат работите, но ништо не зависи од нас, рече Клоп.
