Повеќе десетици членови на Здружението на бездомниците од Франција се собраа денеска на протест пред опожарената катедрала Нотр Дам во Париз барајќи најсиромашните Французи да не бидат заборавени кога за реконстрикција на Богородичната црква беа собрани повеќе од милијарда евра во вид на донации.
Речиси 50 луѓе од Здружението на француските бездомници носеа постери со натпис „Милијарда за 24 часа“.
Според агенцијата АП, тие извикувале слогани упатени до милијардерот Бернар Арно, кој минатата недела донира 200 милиони евра за катедралата.
Некои учесници на протестот извикувале: „На Нотр Дам му треба покрив, но и нам ни треба покрив“.
Париската полиција го надгледуваше мирниот протест, но не интервенира.
