Москва нема да толерира закани и ќе одговори на каков било кибер-напад, изјави денеска специјалниот претставник на рускиот претседател за меѓународна соработка во областа на информациска безбедност Андреј Круцких.
– Всушност се во кибер светот се врши преку приватни воени компании… Меѓутоа, некои министри во САД посакале од неодамна да го заплашуваат светот и да се фалат дека ќе бидат извршени кибер-напади, дури и против Русија. Сакам да верувам дека ова е само политичко, неодговорно шегување, истакна Круцких.
Според него, сите политички активисти мора да разберат дека секоја акција има реакција и земја како Русија нема да толерира никаква штета, ниту ќе дозволи напади врз себе.
