На 22.04.2019 година околу 15,30 часот било пријавено дека на регионалниот пат Пекланска река-Бигла се случила сообраќајна незгода помеѓу моторцикл „Кавасаки” управуван од Д.Г.(27) од Виница и автомобил „Рено” што го управувал Г.С.(48) од село Драмче-Делчево.
Во незгодата тешко е повреден возачот на моторциклот, кој со возило на Итна медицинска помош бил пренесен во Комплексот клиники “Мајка Тереза” во Скопје. Лесно е повредена Ј.П. од Делчево, сопатник во „реното“.
Извршен бил увид на местото на настанот од увидна екипа од Полициската станица Виница и се работи на целосно расчистување на случајот.
